
以為得韓國先有男團?錯啦錯啦!香港當然唔輸蝕,香港代表有全新男子組合MIRROR!MIRROR呢隊唱跳男子組合一共有12個成員,成員係由ViuTV大型選秀節目《Good Night Show全民造星》入面嘅參賽者精心挑選出嚟組成!究竟12個男仔每個有咩特別?有咩興趣?又有咩專長?今日就等小編同你大起底!
Lokman人緣超好,喺節目期間同其他參賽者相處都超融洽,所以MIRROR出道之後就名正言順做咗隊長。擔當住大哥哥嘅角色,之後嘅路就要睇實其他11隻百厭星啦!唔知佢又有冇信心呢?
你或者會覺得Lokman好熟面口,究竟喺《全民造星》之前喺邊度見過佢呢?原來佢早喺2013年已經開始參與電影拍攝,更喺青春舞蹈電影《狂舞派》入面飾演團長Dave一角,戲份都唔少㗎!
拍得《狂舞派》跳舞當然係佢強項啦!專長係locking嘅Lokman呢排仲玩埋舞台劇。
View this post on InstagramA post shared by Lokman Yeung (@llokmann) on
前幾個月同火雞姐、狄以達以及其他人公演咗舞台劇《HIHI大爆炸》,一連5場,反應都好熱烈!
View this post on Instagram晚安。 #全民造星 #viutv #肌肉就是力量 #全民造星b1組 #尋求無悔真生活
A post shared by ALTON WONG (@altonwongz) on
Alton最為人熟悉嘅應該係「尋求無悔真生活 路漫長也靜候」,呢句可以話係變咗《全民造星》嘅金句。事源係Alton嘅表演無辦法順利晉級,當主持人問佢有咩講嘅時候,佢就唱出咗郭富城《木偶襲地球》嘅呢句歌詞。
View this post on InstagramA post shared by ALTON WONG (@altonwongz) on
除咗識跳舞之外,Alton同時都係一位健身教練,有腹肌胸肌二頭肌嘅佢更加以「肌肉就是力量」嚟形容自己!
View this post on Instagram體藝舊生接力邀請賽2018 臨老入花叢篇 🍀🍀🍀 (有冇人開拍四葉草呀我岩呀) (有冇人知咩係四葉草)
A post shared by ALTON WONG (@altonwongz) on
佢鍾意做運動嘅程度應該無嘢可以阻止到佢,佢IG發佈嘅相有超大部分都係同做運動有關:做GYM、跑步、跳舞、健美、障礙賽……(太多不能盡錄,有興趣就自己click入去睇啦!)
喺《全民造星》期間Anson已經受到唔少人關注,除咗係因為靚仔同識跳舞唱歌之外,更加係主持人王心美嘅top pick!每次Anson表演完之後,心美BB都會比個攬攬佢,真係好令人葡萄呀!
View this post on Instagram😋😋😋 Oh look at me look at me~ #全民造星 #AnsonKong #Pinkdot
A post shared by Anson Kong 江熚生 (@_kisang_) on
又識跳舞、又識唱歌、又有自信、有靚仔,唔怪得知成功出道啦!
《全民造星》決賽之後Anson都超識做,post返同每個決賽參賽者嘅合照,並附上千字文多謝佢哋每個嘅陪伴。
Anson Lo喺《全民造星》20強止步嘅時候令好多觀眾大跌眼鏡,唱同跳都係信心保證嘅Anson竟然無緣晉身決賽。不過ViuTV最後都無令大家失望,Anson Lo雖然入唔到決賽,但成功出道!
View this post on InstagramA post shared by 🦋 Anson Lo • 盧瀚霆 (@ansonlht) on
除咗實力超水準之外,Anson Lo嘅顏值同身材一樣不得了,唔知算唔算係MIRROR嘅門面擔當呢?
呢個實力加外形都咁吸引嘅package更加為Anson Lo增添咗唔少粉絲,每次出席活動都必定有一班小粉絲為佢嗌破喉嚨!
View this post on InstagramA post shared by Edan Lui 呂爵安 (@edanlui) on
可以話係《全民造星》嘅音樂小才子,每次個人表演都自彈自唱。雖然係音樂小才子,但係令佢出名嘅竟然唔係佢嘅音樂造詣,而係佢表演時不以為然嘅反白眼!
View this post on Instagram難得係咁多崩相入面有一兩張見得人😂😂其他一係就好似第7張咁個頭飛到唔知乜咁一係就個表情唔知做乜😂 附送BB靚女照😍😍
A post shared by Edan Lui 呂爵安 (@edanlui) on
又識鋼琴,又識小提琴,又識唱歌,又識跳舞,仲要係大學dance team,邊個夠你嚟呀!
View this post on InstagramHappy birthday to my beauty!!!! 14歲了!祝你越大越靚! 繼續讀好書!繼續乖乖地! 啊哥會繼續錫你!Love you❤️
A post shared by Edan Lui 呂爵安 (@edanlui) on
Edan仲要超錫屋企人,尤其係妹妹,喺佢IG都會見到好多妹妹嘅蹤影!真係好羨慕妹妹有一個又識音樂又體貼嘅哥哥啊!
Dancer出生嘅Frankie喺《全民造星》入面未必有好多鏡頭,但勝在靚仔又跳舞叻,所以最尾都成功出道!
View this post on InstagramA post shared by Frankie Chan@Mirror (@frankie729) on
雖然你未必對佢好有印象,但Frankie可以話係團隊入面嘅黑馬,佢早排就率先同姜濤Ian為韓國化妝品牌Etude House拍咗輯廣告照,有唔少網民更加大讚佢係三個入面最靚仔!
唔知Frankie嘅全白造型你哋又鍾唔鍾意呢?定係覺得韓風啱佢多啲?
View this post on InstagramNew journey begins Stay hungry. Be humble.🙂
A post shared by Ian Chan 陳卓賢 (@iancychan) on
Ian喺《全民造星》嘅時候其實已經係大熱,佢一副天然呆嘅樣子呆得嚟又帶點可愛,所以獲得「樹熊」呢個稱號!天然呆暖男呢個稱號成功幫佢擄奪一班少女嘅心㗎!
除咗有一班妹妹fans,就連花姐都係佢嘅粉絲,更加稱佢為「男神」!Ian 雖然平時天然呆木木獨獨咁,但一玩音樂就瞬間變charm,可能嗰種反差就正正係佢嘅迷人之處!
自彈自唱可以話係佢嘅強項,無論係鋼琴定係結他一樣冇問題!所以話,識玩音樂嘅男仔真係好charm呀!
Jer由《全民造星》開始已經被網民大讚唱得,只可惜無緣晉身決賽,但係最終都成功出道成為MIRROR一員!
唱功了得嘅佢都經常喺IG發放自己自彈自唱嘅影片,一支結他配上一把靚聲就足以呃like!
除咗會post唱歌片之外,Jer嘅IG都有好多同女朋友放閃嘅相,真係sweet到爆,小編都就嚟比佢閃暈啦!
Jeremy應該係組入面唯一一個走韓風嘅成員,白皙嘅肌膚襯埋五顏六色嘅頭髮,形象十分鮮明易認。因為Jeremy嘅頭髮經常都會轉色嘅關係,粉絲們都會叫佢做「獨角獸」!
View this post on InstagramA post shared by Chun Kit Lee (@jeremy_0908) on
雖然佢係「獨角獸」,但其實黑色頭髮都幾好睇呀,唔知會唔會考慮染返黑色呢?
View this post on Instagram今日好開心 玩左一日 🙈🙈🙈 #mirrorweare #德國仔 #李駿傑jeremy #unicorn
A post shared by Chun Kit Lee (@jeremy_0908) on
睇嚟組員嘅關係都好close好warm,究竟影呢相嘅時候佢哋係做緊咩呢?
View this post on Instagram感謝 感恩 感動 實現夢想的第一步 是我們所有人的開始 #姜糖 #viutv #全民造星 #冠軍
A post shared by KEUNG TO❤️姜濤 (@keung_show) on
相信唔洗我多介紹大家都知姜濤係邊個!19歲年紀輕輕就贏咗《全民造星》冠軍,獲得100萬獎金,更加係《全民造星》入面嘅人氣王!
View this post on InstagramA post shared by KEUNG TO❤️姜濤 (@keung_show) on
叫得人氣王嘅姜B除咗IG有4.6萬followers遠遠拋離其他組員之外,仲相繼接拍咗幾個大牌子嘅廣告,當中包括化妝品牌Etude House同Olay,可以話係星途無可限量!
View this post on Instagram休憩を取る . . . 和我一樣愛貪吃的貓🐈 #吃 #最重要
A post shared by KEUNG TO❤️姜濤 (@keung_show) on
更加曾經有傳聞話姜濤參加《全民造星》期間,已經有幾間公司想簽佢做旗下藝人,唔知係真唔係呢?
Stanley可以話係要高度有高度,要肌肉有肌肉,要才華有才華!Stanley嘅強項係跳舞,舞蹈員出身嘅佢跳起舞上嚟真係超級有台風!
View this post on InstagramA post shared by Stanley 邱士縉 | 🌰 (@stanleysc_) on
Stanley為人熟悉嘅除咗係佢嘅舞藝之外,就係佢嘅胸肌!喺《全民造星》比賽期間有評判更加話「最記得就係Stanley嘅胸肌!」,唔知MIRROR出道之後,Stanley會唔會負責除衫嘅角色呢?
View this post on InstagramA post shared by Stanley 邱士縉 | 🌰 (@stanleysc_) on
Stanley嘅女朋友原來係ViuTV選美節目《美選D.n.A》亞軍Alina,依家兩個人都係ViuTV嘅藝人,唔知會唔會情侶檔出活動呢?
或者你會對Tiger無咩印象,但如果講起跳拉丁舞你又會唔會認得佢?喺《全民造星》入面以拉丁舞突圍而出嘅Tiger深得評判觀眾歡心,最後都成功出道!
年紀細嘅唔止得姜濤,原來Tiger同姜濤一樣都係得19歲,唔知呢個會唔會都係一個優勢呢?
View this post on Instagram🚶🏻🚶🏻 人浪裏想真心告白 但你只想聽聽笑話 #lonelychristmas #lastchristmas
A post shared by @ tiger_yny on
除咗跳拉丁舞之外,佢亦都識彈電子結他,音樂又得,跳舞又得,Tiger仔可以話係才華洋溢呀!
轉自:https://www.cosmopolitan.com.hk/lifestyle/mirror-we-are-daily-life
轉自:https://www.cosmopolitan.com.hk/lifestyle/mirror-we-are-second-part